Suna Hai Log Ose Ankh Bhar Ke Dekhte Hain - Ahmad Faraz - Urdu Ghazal Poetry

Suna Hai Log Ose Ankh Bhar Ke Dekhte Hain - Ahmad Faraz - Urdu Ghazal Poetry
Suna Hai Log Ose Ankh Bhar Ke Dekhte Hain - Ahmad Faraz - Urdu Ghazal Poetry

Suna Hai Log Ose Ankh Bhar Ke Dekhte Hain - Ahmad Faraz - Urdu Ghazal Poetry

Suna Hai Log Ose Ankh Bhar Ke Dekhte Hain Poetry lyrics are narrated by Ahsan Shakeel, and Suna Hai Log Ose Ankh Bhar Ke Dekhte Hain Urdu Ghazal Poetry lyrics are penned by one of the best poet Ahmed Faraz.
Ghazal Title :Suna Hai Log Ose Ankh Bhar Ke Dekhte Hain
Voice :Ahsan Shakeel
Poet :Ahmed Faraz
Album :Urdu Ghazal Poetry
Music Label :Ahsan Shakeel

Suna Hai Log Ose Ankh Bhar Ke Dekhte Hain - Urdu Ghazal Poetry

Suna Hai Log Use Aankh Bhar Ke Dekhte Hain 
So Us Ke Shahr Mein Kuchh Din Thahar Ke Dekhte Hain 
***
Suna Hai Rabt Hai Us Ko Kharab-Haalon Se 
So Apne Aap Ko Barbaad Kar Ke Dekhte Hain 
***
Suna Hai Dard Ki Gahak Hai Chashm-e-Naz Us Ki 
So Hum Bhi Us Ki Gali Se Guzar Ke Dekhte Hain 
***
Suna Hai Us Ko Bhi Hai Sher O Shairi Se Shaghaf 
So Hum Bhi Moajize Apne Hunar Ke Dekhte Hain 
***
Suna Hai Bole To Baaton Se Phul Jhadte Hain 
Ye Baat Hai To Chalo Baat Kar Ke Dekhte Hain 
***
Suna Hai Raat Use Chand Takta Rahta Hai 
Sitare Baam-e-Falak Se Utar Ke Dekhte Hain 
***
Suna Hai Din Ko Use Titliyan Satati Hain 
Suna Hai Raat Ko Jugnu Thahar Ke Dekhte Hain 
***
Suna Hai Hashr Hain Us Ki Ghazal Si Aankhen 
Suna Hai Us Ko Hiran Dasht Bhar Ke Dekhte Hain 
***
Suna Hai Raat Se Badh Kar Hain Kakulen Us Ki 
Suna Hai Sham Ko Sae Guzar Ke Dekhte Hain 
***
Suna Hai Us Ki Siyah-Chashmagi Qayamat Hai 
So Us Ko Surma-Farosh Aah Bhar Ke Dekhte Hain 
***
Suna Hai Us Ke Labon Se Gulab Jalte Hain 
So Hum Bahaar Pe Ilzam Dhar Ke Dekhte Hain 
***
Suna Hai Aaina Timsal Hai Jabin Us Ki 
Jo Sada Dil Hain Use Ban-Sanwar Ke Dekhte Hain 
***
Suna Hai Chashm-e-Tasawwur Se Dasht-e-Imkan Mein 
Palang Zawiye Us Ki Kamar Ke Dekhte Hain 
***
Suna Hai Us Ke Badan Ki Tarash Aisi Hai 
Ki Phul Apni Qabaen Katar Ke Dekhte Hain 
***
Bas Ek Nigah Se Lutta Hai Qafila Dil Ka 
So Rah-Rawan-e-Tamanna Bhi Dar Ke Dekhte Hain 
***
Suna Hai Us Ke Shabistan Se Muttasil Hai Bahisht 
Makin Udhar Ke Bhi Jalwe Idhar Ke Dekhte Hain 
***
Ruke To Gardishen Us Ka Tawaf Karti Hain 
Chale To Us Ko Zamane Thahar Ke Dekhte Hain 
***
Kahaniyan Hi Sahi Sab Mubaalghe Hi Sahi 
Agar Wo Khwab Hai Tabir Kar Ke Dekhte Hain 
***
Ab Us Ke Shahr Mein Thahren Ki Kuch Kar Jaen 
'Faraaz' Aao Sitare Safar Ke Dekhte Hain

Post a Comment

Previous Post Next Post