Saza - Jaun Elia - Sad Urdu Poetry

Saza - Jaun Elia - Sad Urdu Poetry
Saza - Jaun Elia - Sad Urdu Poetry

Saza - Jaun Elia - Sad Urdu Poetry

Saza Poetry lyrics are narrated by Malik Junaid, these Sad Urdu Poetry lyrics are written by one of the best poet Jaun Elia, in Saza lyrics, Jaun Eliya is expressing his heart's feelings in memory of someone's love.

Poetry Title: Saza
Voice: Malik Junaid
Poet: Jaun Elia
Music Label: Alfaz-e-Ishq


Saza - Sad Urdu Poetry

Har baar mere sāmne aatī rahī ho tum 
Har baar tum se mil ke bichhaḌtā rahā huuñ maiñ 
Tum kaun ho ye ḳhud bhī nahīñ jāntī ho tum 
Maiñ kaun huuñ ye ḳhud bhī nahīñ jāntā huuñ maiñ 
Tum mujh ko jaan kar hī paḌī ho azaab meñ 
Aur is tarah ḳhud apnī sazā ban gayā huuñ maiñ 
***
Tum jis zamīn par ho maiñ us kā ḳhudā nahīñ 
Pas sar-ba-sar aziyyat o āzār hī raho 
Bezār ho ga.ī ho bahut zindagī se tum 
Jab bas meñ kuchh nahīñ hai to bezār hī raho 
Tum ko yahāñ ke saaya o partav se kyā ġharaz 
Tum apne haq meñ biich kī dīvār hī raho 
***
Maiñ ibtidā-e-ishq se be-mehr hī rahā 
Tum intihā-e-ishq kā me.aar hī raho 
Tum ḳhuun thūktī ho ye sun kar ḳhushī huī 
Is rañg is adā meñ bhī purkār hī raho 
***
Maiñ ne ye kab kahā thā mohabbat meñ hai najāt 
Maiñ ne ye kab kahā thā vafādār hī raho 
Apnī matā-e-nāz luTā kar mire liye 
Bāzār-e-iltifāt meñ nādār hī raho 
***
Jab maiñ tumheñ nashāt-e-mohabbat na de sakā 
Gham meñ kabhī sukūn-e-rifāqat na de sakā 
Jab mere sab charāġh-e-tamannā havā ke haiñ 
Jab mere saare ḳhvāb kisī bevafā ke haiñ 
Phir mujh ko chāhne kā tumheñ koī haq nahīñ 
Tanhā karāhne kā tumheñ koī haq nahīñ


Post a Comment

Previous Post Next Post