Mere Hamsafar Tujhe Kya Khabar - Amjad Islam Amjad - Urdu Poetry

Mere Hamsafar Tujhe Kya Khabar - Amjad Islam Amjad - Urdu Poetry
Mere Hamsafar Tujhe Kya Khabar - Amjad Islam Amjad - Urdu Poetry

Mere Hamsafar Tujhe Kya Khabar - Amjad Islam Amjad - Urdu Poetry

Mere Hamsafar Tujhe Kya Khabar Poetry lyrics are narrated by Salman Ahmed, and Mere Hamsafar Tujhe Kya Khabar Urdu Poetry lyrics are penned by one of the best poet Amjad Islam Amjad.
Poetry Title :Mere Hamsafar Tujhe Kya Khabar
Voice :Salman Ahmed
Poet :Amjad Islam Amjad
Album :Urdu Poetry
Music Label :Jashan e Umeed

Mere Hamsafar Tujhe Kya Khabar - Urdu Poetry

Mere hamsafar tujhe kya Khabar
Yeh jo waqt hai kisi dhuup ChhaaoN ke khel sa
***
Use dekhte, use jhelte
Mere aankh gard se aT gaye
***
Mere Khwaab ret meN kho gaye
Mere haath barf se ho gaye
***
Mere beKhabar tire naam par
Woh jo diip jalte the baam par
***
Woh nahiiN rahe
Woh nahiiN rahe k jo ek rabt tha darmiyaaN
***
Woh bikhar gaya
Kisii shaam aisii hava chali
***
K jo barg the sar-e-shaakh-e-jaaN voh gira diye
Woh jo harf darj the ret par woh uRaa diye
***
Woh jo raastoN ka yaqiin the
Woh jo manziloN ke amiin the
***
Woh nishaan-e-paa bhii miTa diye
Mere ham-safar hai vohii safar
***
Magar ek moR ke farq se
Tere haath se mire haath tak
***
Woh jo haath bhar ka tha faasla
Kaii mausmoN meN badal gaya
***
Use naapte, usse kaaTte
Mera saara vaqt nikal gaya
***
Tuu mere safar ka shariik hai
MaiN tere safar kaa shariik huuN
***
Yeh jo darmiyaaN se nikal gaya
Usii faasle ke shumaar meN
***
Usii be_yaqiiN ke ghubaar meN
Usii rehguzar ke hisaar meN
***
Tera raasta koii aur hai
Mera raasta koii aur hai!

Post a Comment

Previous Post Next Post