Main Paishawar Faraibi Hoon - Ali Sarmad - Urdu Ghazal Poetry

Main Paishawar Faraibi Hoon Mohabbat Kar Nahin Sakta - Ali Sarmad - Urdu Ghazal Poetry
Main Paishawar Faraibi Hoon - Ali Sarmad - Urdu Ghazal Poetry

Main Paishawar Faraibi Hoon - Ali Sarmad - Urdu Ghazal Poetry

Main Paishawar Faraibi Hoon Poetry lyrics are narrated by Bilal Ahmed, and Main Paishawar Faraibi Hoon Urdu Ghazal Poetry lyrics are written by one of the best poet Ali Sarmad.
Ghazal Title :Main Paishawar Faraibi Hoon
Voice :Bilal Ahmed
Poet :Ali Sarmad
Album :Urdu Ghazal Poetry
Music Label :Kitab e Maazi

Main Paishawar Faraibi Hoon - Urdu Ghazal Poetry

Irada Roz Karta Hoon , Magar Kuch Kar Nahi Sakta 
Main Paishawar Faraibi Hoon , Mohabbat Kar Nahi Sakta 
***
Bure Hon Ya K Ache Hon , Mujhe Is Se Nahi Matlab 
Mujhe Matlab Say Matlab Hai , Main Tum Se Ladd Nahi Sakta 
***
Yahan Har Doosra Insaan Khuda Khud Ko Kehta Hai 
Khuda Bhi Wo Ke Jo Apni He Jholi Bhar Nahi Sakta 
***
Main Tum Se Saaf Kehta Hoon ! Mujhe Tum Say Nahi Ulfat 
Faqat Lafzi Mohabbat Hai Main Tum Pe Mar Nahi Sakta 
***
Mohabbat Ki Musafat Ne Bahut Zakhmi Kiya Mujh Ko 
Abhi Yeh Zakhm Bharne Hain, Main Aahen Bhar Nahi Sakta 
***
Bhale Main Ne Nahi Chaha , Magar Tum Ne To Chaha Hai 
Tumhari Yaad Ko Dil Se To Baahir Kar Nahi Sakta 
***
Naa jaanay Aadmi Kyon Aadmi Se Khauf Khata Hai 
Jo Apnay Rab Se Darta Ho Kisi Se Dar Nahi Sakta 
***
Aray Oh Ishq !!! Chal Jaa Kam Kar , Kis Ko Bulata Hai ? 
Husn Bazar Main Bikta Hai , Sooli Charh Nahi Sakta 
***
Yahan Har Aik Chehray Par Alag Tehreer Likhi Hay 
Meri Aankhon Main Aansoo Hain , Abhi Kuch Padh Nahi Sakta 
***
Main Apni Raat Ki Zulfon Main Khud Chaandi Sajata Hoon 
Main Uski Maang Main Waadon Ke Heeray Jarr Nahi Sakta 
***
Bhale Jhoota , Munafiq Hoon , Bht Dhokay Diya Lekin
Mera Kuch Waqt Baki Hai , Zameen Mein Garh Nahi Sakta
***
Main Us Ghar Ka Muqeemi Hoon Jisay Oqat Kehte Hain 
Main Apni Had Main Rehta Hoon So Aage Badh Nahi Sakta
***
Abhi Kuch Sher Rehte Hain Magar Likhne Nahi Hargiz 
Kisi Ki Laaj Rakhni Hai , So Zahir Kar Nahi Sakta

Post a Comment

Previous Post Next Post