Hum Ji Rahe Hain Koi Bahana Kiye Baghair - Jaun Elia - Urdu Ghazal Poetry

Hum Ji Rahe Hain Koi Bahana Kiye Baghair - Jaun Elia - Urdu Ghazal Poetry
Hum Ji Rahe Hain Koi Bahana Kiye Baghair - Jaun Elia - Urdu Ghazal Poetry

Hum Ji Rahe Hain Koi Bahana Kiye Baghair - Jaun Elia - Urdu Ghazal Poetry

Hum Ji Rahe Hain Koi Bahana Kiye Baghair Poetry lyrics are narrated by Bilal Ahmed, and Hum Ji Rahe Hain Koi Bahana Kiye Baghair Urdu Ghazal Poetry lyrics are penned by one of the best poet Jaun Elia.
Ghazal Title :Hum Ji Rahe Hain Koi Bahana Kiye Baghair
Voice :Bilal Ahmed
Poet :Jaun Elia
Album :Urdu Ghazal Poetry
Music Label :Kitab e Maazi

Hum Ji Rahe Hain Koi Bahana Kiye Baghair - Urdu Ghazal Poetry

Hum ji rahe hain koi bahana kiye baghair
Us ke baghair us ki tamanna kiye baghair
***
Ambar us ka parda-e-hurmat bana miyan
Diwar tak nahin giri parda kiye baghair
***
Yaran wo jo hai mera masiha-e-jaan-o-dil
Be-had aziz hai mujhe achchha kiye baghair
***
Main bistar-e-khayal pe leta hun us ke pas
Subh-e-azal se koi taqaza kiye baghair
***
Us ka hai jo bhi kuchh hai mera aur main magar
Wo mujh ko chahiye koi sauda kiye baghair
***
Ye zindagi jo hai use mana bhi chahiye
Wada hamein qubul hai ifa kiye baghair
***
Ae qatilon ke shahr bas itni hi arz hai
Main hun na qatl koi tamasha kiye baghair
***
Murshid ke jhut ki to saza be-hisab hai
Tum chhodiyo na shahr ko sahra kiye baghair
***
Un aanganon mein kitna sukun o surur tha
Aaraish-e-nazar teri parwa kiye baghair
***
Yaran khusha ye roz o shab-e-dil ki ab hamein
Aab kuchh hai khush-gawar gawara kiye baghair
***
Girya-kunan ki fard mein apna nahin hai nam
Hum girya-kun azal ke hain girya kiye baghair
***
Aakhir hain kaun log jo bakhshe hi jaenge
Tarikh ke haram se tauba kiye baghair
***
Wo sunni bachcha kaun tha jis ki jafa ne 'jaun'
Shia bana diya hamein shia kiye baghair
***
Ab tum kabhi na aaoge yani kabhi kabhi
Rukhsat karo mujhe koi wada kiye baghair
Read more Urdu Ghazal Poetry of Jaun Elia

Post a Comment

Previous Post Next Post