Bazicha-e-Atfal Hai Duniya Mere Aagay - Mirza Ghalib - Urdu Poetry

Bazicha e Atfal Hai Duniya Mere Aagay - Mirza Ghalib - Urdu Poetry
Bazicha-e-Atfal Hai Duniya Mere Aagay - Mirza Ghalib - Urdu Poetry

Bazicha-e-Atfal Hai Duniya Mere Aagay - Mirza Ghalib - Urdu Poetry

Bazicha e Atfal Hai Duniya Mere Aagay Poetry lyrics are narrated by Zzy!, and these Bazicha e Atfal Hai Duniya Mere Aagay Urdu Poetry lyrics are written by one of the best poet Mirza Ghalib.

Poetry Tittle: Bazicha e Atfal Hai Duniya Mere Aagay
Voice: Zzy!
Poet: Mirza Ghalib
Album: Urdu Poetry
Music Label: Bazm e Rekhta

Bazicha-e-Atfal Hai Duniya Mere Aagay - Urdu Poetry

Bazicha-e-Atfal Hai Duniya Mere Aagay,
Hota Hai Shab o Roz Tamasha Mere Aagay.
***
Ik Khel Hai Aurang e Sulemaan Mere Nazdeek,
Ik Baat Hai Ejaz e Maseeha Mere Aagay.
***
Juz Naam Nahi Surat e Aalam Mujhe Manzoor,
Juz Wehm Nahi Hast e Ashiya Mere Aagay.
***
Hota Hai Nihaan Gard Main Sehra Mere Hotay,
Ghista Hai Jabeen Khaak Pe Dariya Mere Aagay.
***
Mat Puch K Kya Haal Hai Mera Tere Peechay,
Tu Dekh K Kya Rang Hai Tera Mere Aagay.
***
Sach Kehtay Ho Khud'been o Khud'aara Hun, Na Kiyun Hon,
Baitha Hai Butt e Aayina Seema Mere Aagay.
***
Phir Dekhiye Andaaz e Gul'afshaani e Guftaar,
Rakh De Koi Paimaan e Sehbaa Mere Aagay.
***
Nafrat Ka Gumaan Guzray Hai Main Rashk Se Guzra,
Kiyun Kar Kahon Lo Naam Na Un Ka Mere Aagay.
***
Imaan Mujhe Rokay Hai Jo Kheenchay Hai Mujhe Kufr,
Kaaba Mere Peechay Hai Kaleesa Mere Aagay.
***
Aashiq Hun Pa Ma'shooq Farebi Hai Mera Kaam,
Majnu Ko Bura Kehti Hai Laila Mere Aagay.
***
Khush Hotay Hain Par Wasl Main Yun Mar Nahi Jatay,
Aai Shab e Hijraan Ki Tamanna Mere Aagay.
***
Hai Moujzan Ik Qulzam e Khoon Kash Yehi Ho,
Aata Hai Abhi Dekhiye Kya Kya Mere Aagay.
***
Go Hath Ko Junmbish Nahi Haathon Main To Dam Hai,
Rehne Do Abhi Saaghar-o-Meena Mere Aagay.
***
Hum'Pesha o Hum'Mashrab o Hum'Raaz Hai Mera,
Ghalib Ko Bura Kiyun Kaho Acha Mere Aagay.


Post a Comment

Previous Post Next Post