Barson Ke Baad Dekha Ik Shaks Dil-Ruba Sa - Ahmed Faraz - Urdu Poetry

Barson Ke Baad Dekha Ik Shaks Dil-Ruba Sa - Ahmed Faraz - Urdu Poetry
Barson Ke Baad Dekha Ik Shaks Dil-Ruba Sa - Ahmed Faraz - Urdu Poetry

Barson Ke Baad Dekha Ik Shaks Dil-Ruba Sa - Ahmed Faraz - Urdu Poetry

Barson Ke Baad Dekha Ik Shaks Dil-Ruba Sa Poetry lyrics are narrated by Ahsan Shakeel, and Barson Ke Baad Dekha Ik Shaks Dil-Ruba Sa Urdu Poetry lyrics are written by one of the best poet Ahmed Faraz.
Ghazal Title :Barson Ke Baad Dekha Ik Shaks Dil-Ruba Sa
Voice :Ahsan Shakeel
Poet :Ahmed Faraz
Album :Urdu Poetry
Music Label :Kitab e Maazi

Barson Ke Baad Dekha Ik Shaks Dil-Ruba Sa - Urdu Poetry

Barson ke baad dekha, ik shaks dil-ruba sa
Ab zehen mein nahi hai, par naam tha bhalaa sa
***
Abaroo khinchey khinchey sey, aankhein jhuki jhuki si
Baatein ruki ruki si, lehjaa thaka thaka sa
***
Alfaaz thay k jugnoo, awaaz ke safar mein
Ban jaaey jangalon mein, jis tarah raasta sa
***
Khwaabon mein khwaab us ke, yaadon mein yaad us ki
Neendon mein ghul gaya ho, jaisey ke rat-jagaa sa
***
Pehley bhi log aaey, kitne hi zindagi mein
Wo har tarah se lekin, auron se tha judaa sa
***
Agli mohabbaaton ne, wo naa-muraadiyaan deen
Taaza rafaaqaton se, dil tha dara dara sea
***
Kuch ye k muddaton se, ham bhi nahi thay roey
Kuch zeher mein bujhaa tha, ahbaab ka dilaasa
***
Phir yun hua ke saawan aankhon mein aa basey thay
Phir yun hua ke jesey, dil bhi tha aabalaa sa
***
Ab sach kahein tou yaaro, hum ko khabar nahi thi
Ban jaaega qayaamat, ik waaqeya zara sa
***
Taiwar thay bey-rukhi ke, andaaz dosti ke
Wo anabi tha lekin, lagta tha aashna sa
***
Hum dasht thay k dariyaa, hum zeher thay k amreet
Naa-haq tha zonam ham ko, jab wo nahi tha piyaasa
***
Hum ne bhi us ko dekha, kal shaam ittefaaqan
Apna bhi haal hai ab, logo Faraz ka sa
Read more Urdu Poetry of Ahmed Faraz

Post a Comment

Previous Post Next Post