Ab Ke Tajdid-e-Wafa Ka Nahin Imkan Jaanan - Ahmed Faraz - Urdu Ghazal Poetry

Ab Ke Tajdid-e-Wafa Ka Nahin Imkan Jaanan - Ahmed Faraz - Urdu Ghazal Poetry
Ab Ke Tajdid-e-Wafa Ka Nahin Imkan Jaanan - Ahmed Faraz - Urdu Ghazal Poetry

Ab Ke Tajdid-e-Wafa Ka Nahin Imkan Jaanan - Ahmed Faraz - Urdu Ghazal Poetry

Ab Ke Tajdid-e-Wafa Ka Nahin Imkan Jaanan Poetry lyrics are narrated by Muhammad Faisal, and Ab Ke Tajdid-e-Wafa Ka Nahin Imkan Jaanan Urdu Ghazal Poetry lyrics are penned by one of the best poet Ahmed Faraz.
Ghazal Title :Ab Ke Tajdid-e-Wafa Ka Nahin Imkan Jaanan
Voice :Muhammad Faisal
Poet :Ahmed Faraz
Album :Urdu Ghazal Poetry
Music Label :Khawab Darichy

Ab Ke Tajdid-e-Wafa Ka Nahin Imkan Jaanan - Urdu Ghazal Poetry

Ab K Tajdeed-e-Wafa Ka Nahin Imkan Janan,
Yaad Kia Tujh Ko Dilayen Tera Payman Janan,
***
Yunhi Mausam Ki Ada Dekh K Yaad Aaya Hai,
Kis Qadar Jald Badal Jaate Hain Insan Janan,
***
Zindagi Teri Ata Thi So Tere Naam Ki Hai,
Hum Ne Jaise Bhi Basar Ki Tera Ehsan Janan,
***
Dil Ye Kehta Hai K Shayad Hai Fasurda Tu Bhi,
Dil Ki Kia Baat Karen Dil To Hai Nadan Janan,
***
Awal Awal Ki Mohabbat K Nashe Yaad To Kar,
BePiye Bhi Tera Chehra Tha Gulistan Janan,
***
Akhir Akhir To Ye Aalam Hai K Ab Hosh Nahin,
Rag-e-Mina Sulag Utthi K Rag-e-Jaan Janan,
***
Muddaton Se Yehi Aalam Na Tawaqqo Na Umeed,
Dil Pukare Hi Chala Jata Hai Janan Janan,
***
Hum Bhi Kia Saada Thy Hum Ne Bhi Samajh Rakha Tha,
Gham-e-Dauran Se Juda Hai Gham-e-Janan Janan,
***
Ab K Kuch Aisi Saji Mehfil-e-Yaaran Janan,
Sar-ba-Zanu Hai Koi Sar-ba-Gareban Janan,
***
Har Koi Apni Hi Awaz Se Kaanp Uthta Hai,
Har Koi Apne Hi Saaye Se Hirasaan Janan,
***
Jis Ko Dekho Wohi Zanjeer-ba-Pa Lagta Hai,
Shahr Ka Shahr Howa Dakhil-e-Zindaan Janan,
***
Ab Tera Zikr Bhi Shayad Hi Ghazal Mein Aaye,
Aur Se Aur Howe Dard K Unwaan Janan,
***
Hum K Rothi Hoi Rut Ko Bhi Mana Lete Thy,
Hum Ne Dekha Hi Na Tha Mausam-e-Hijraan Janan,
***
Hosh Aaya To Sabhi Khwab Thy Reza Reza,
Jaise Urte Howe Auraq-e-Pareshaan Janan.

Post a Comment

Previous Post Next Post